Ótrúlegt afrek!

Það stefnir allt í að Steven Gerrard leiki sinn 600. leik fyrir hönd Liverpool í dag þegar hann leiðir liðið sitt til leiks gen Newcastle United. Brendan Rodgers, framkvæmdastjóri Liverpool, segir þetta ótrúlegt afrek hjá Steven.

,,Það er að ótrúlegt afrek að ná 600 leikjum. Álagið sem hann hefur búið við hefur verið með ólíkindum. Steven hefur í raun haft ótrúleg áhrif á þetta knattspyrnufélag og hann hefur verið frábær frá því ég kom hingað. Hann er 32. ára gamall auk þess að vera fyrirliði enska landsliðsins en samt erum ég og hann enn að leita leiða þannig að hann geti bætt leik sinn. Hann á virðingu skilda fyrir þetta. Hann hefur afrekað margt í þessari íþrótt en hann er enn að horfa á myndbönd, greina leik sinn með einhverjum og reyna að sjá hvernig hann getur gert enn betur."

,,Þetta segir sína sögu um hann, um hugarfar hans og ákveðni í að gera ennþá betur. Hann er tákngervingur þessa félags. Hann og Jamie Carragher eru máttarstólpar félagsins. Ég held að hann eigi mikið eftir enn. Hann býr yfir þeim andlega styrkleika að vera tilbúinn að leggja meira á sig til að ná lengra. Núna er hann líka líkamlega mjög vel á sig kominn."

Stevn Gerrard er ekki enn búinn að segja sitt síðasta orð. Hann mun, ef ekkert kemur fyrir, leiða Liverpool til leiks í dag og hver veit nema hann færi Liverpool sigur. Hann hefur jú oft gert það áður!