Alberto á förum til Ítalíu

Allt bendir til þess að Alberto Aquilani muni mjög fljótlega yfirgefa Liverpool. Brendan Rodgers hyggst ekki nota Ítalann og hann er nú að leita sér að liði á Ítalíu. Á vefsíðu BBC er greint frá því að Liverpool hafi samþykkt tilboð frá Fiorentina í Alberto en ekkert hefur verið staðfest í þeim efnum.
 
Alberto spilaði ekki með Liverpool gegn Tottenham í Baltemore og fór þess í stað til Ítalíu til að vinna í sínum málum. Þar lék hann sem lánsmaður með AC Milan á síðustu leiktíð og Juventus leiktíðina á undan.

Rafael Benítez keypti Alberto frá Roma sumarið 2009 en hann náði sér aldrei á strik undir stjórn Rafa. Hvorki Roy Hodgson eða Kenny Dalglish höfðu álit á Alberto og lánuðu hann. Brendan Rodgers hefur greinilega heldur ekki álit á honum og nú er vonandi að koma að því að hann losni frá Liverpool allra vegna. Ítalinn á enn tvö ár eftir af samningi sínum við Liverpool.