Luis biðst afsökunar!

Luis Suarez baðst í dag afsökunar á að hafa ekki tekið í hönd Patrice Evra leikmanns Manchester United fyrir leik liðanna í gær. Í yfirlýsingunni segir.

,,Ég talaði við þjálfarann eftir leikinn á Old Trafford og hef áttað mig á því að ég fór rangt að. Ég hef ekki bara brugðist honum, heldur líka félaginu og þeim gildum sem það stendur fyrir. Ég biðst afsökunar og ég sé eftir því sem gerðist. Ég hefði átt að taka í höndina á Patrice Evra fyrir leikinn og ég vil biðjast afsökunar á framferði mínu. Ég vil núna láta þessu máli lokið og einbeita mér að því að spila knattspyrnu."