Liverpool liðið tilbúið til leiks!

Lið Liverpool er tilbúið til leiks í fyrri undanúraslitaleiknum við Manchester City. Kenny Dalglish valdi þessa menn til að hefja leikinn.

Jose Reina, Glen Johnson, Martin Skrtel, Daniel Agger, Martin Kelly, Stewart Downing, Jordan Henderson, Steven Gerrard, Jay Spearing, Craig Bellamy og Andy Carroll. Varamenn eru Alexander Doni, Jose Enrique, Sebastian Coates, Dirk Kuyt, Jamie Carragher, Charlie Adam og Jonjo  Shelvey.
 
Eitt kemur töluvert á óvart í vali Kenny. Martin Kelly kemur inn í vörnina í stað Jose Enrique sem verður á varamannabekknum. Líklegt er að Glen Johnson verði vinstri bakvörður en Martin hefur svo sem leikið vinstra megin í vörninni. Ekki er nein ástæða til að vantreysta Martin en hann hefur ætíð staðið fyrir sínu í aðalliði Liverpool. Stewart Downing er í byrjunarliðinu en hann lenti í fréttum um helgina af óheppilegum ástæðum. Steven Gerrard leiðir liðið líkt og gegn Oldham en hann er greinilega talinn vera orðinn nógu góður af ökklasýkingunni til að spila heila leiki.  

Nú er að vona að þessir menn standi sig vel og komi með hagstæð úrslit í nesti frá Manchester fyrir seinni leikinn sem fer fram á Anfield Road 25. janúar.