| Sf. Gutt

Fleiri mörk!

Martin Kelly er án nokkurs vafa einn efnilegasti leikmaður Liverpool. Hann skoraði sitt fyrsta mark fyrir Liverpool í Deildabikarsigrinum á Chelsea þegar hann skallaði aukaspyrnu Craig Bellamy í mark. Hann segist vel geta skorað fleiri mörk.

,,Ég get skorað fleiri mörk. Ég var rosalega ánægður með markið enda hef ég þurft að bíða lengi eftir að skora mitt fyrsta mark fyrir Liverpool. Sendingin frá Craig var frábær og ég náði fríum skalla. Við sóttum að þeim enda leikvangsins þar sem gestastuðningsmennirnir voru og það var alveg frábært að sjá þá fagna af mikilli innlifun. Það er frábært að skora fyrir svona magnað félag."

,,Ég skoraði tvö mörk nýlega fyrir enska undir 21. árs landsliði og það var frábært að skora á móti Chelsea og hjálpa til við að komast í undanúrslit í Carling bikarnum. Við höfum nú unnið Chelsea tvívegis á nokkrum vikum og það gerðum við með sterkri liðsheild. Við verðskulduðum sigurinn sannarlega. Við vorum mikið með boltann í fyrri hálfleik og við vissum að markið lá í loftinu. Það var mjög gleðilegt að vinna þennan sigur."

Martin Kelly hefur skorað nokkur mörk fyrir undir 21. árs landslið Englands og þar á meðal magnað mark gegn Íslandi í nóvember. Nú er sjá hvort Martin bætir við mörkum næst þegar hann fær tækifæri í aðalliði Liverpool.

TIL BAKA
Nýlegar fréttir
Fleiri fréttir
Fréttageymslan