Glen vonast til að spila gegn United

Hægri bakvörðurinn Glen Johnson hefur verið þónokkuð frá vegna meiðsla það sem af er tímabili en hann setur nú stefnuna á að snúa aftur í leikinn gegn Manchester United.

Johnson hefur verið frá vegna tognunar aftan í læri síðan í tapinu gegn Stoke City 10. september en hann hefur verið að ná góðum bata hjá læknaliði félagsins.

,,Mér líður vel núna og ég hef verið að hlaupa mikið," dagði Johnson í viðtali við opinbera heimasíðu félagsins.

,,Ég var að byrja að æfa með bolta á útisvæðinu á æfingum þannig að ég býst ekki við að það sé langt í að ég byrji að spila.  Ég legg hart að mér og það væri gaman að vera í hópnum fyrir Manchester United leikinn.  Vonandi get ég verið á bekknum í þeim leik, ég krosslegg fingurna."