Verður Rush frammi í dag?

Talið er líklegt að Dirk Kuyt verði í byrjunarliðinu gegn Everton í dag. Ekki síst vegna þess að hann hefur verið drjúgur í derby viðureignum undanfarinna ára.

Kuyt hefur á ferli sínum með Liverpool skorað fimm mörk gegn hinum bláklæddu. Þar af 3 á Goodison Park. Hann hefur hinsvegar ekki verið í byrjunarliði Liverpool síðan í tapinu gegn Stoke og svo virðist vera sem Dalglish hafi meiri trú á hinum unga Jordan Henderson. Dalglish útilokar þó ekki að Kuyt verði í liðinu í dag.

,,Kuyt er góður leikmaður og Everton mönnum finnst örugglega ekki gaman að mæta honum. Tölfræði hans í viðureignum við Everton er virkilega góð, en það er ekki þar með sagt að hann sé öruggur með sæti í byrjunarliðinu. Ef ég liti eingöngu á tölfræðina þá myndi ég hafa Rush frammi!"