Martin úr leik næstu vikur

Martin Kelly er úr leik í bili eftir að hafa meiðst gegn West Ham United á sunnudaginn. Martin fór af velli í fyrri hálfleik eftir að hafa tognað aftan í læri. Litlar líkur eru á að hann spili nokkuð í mars og hann gæti orðið lengur frá en mánuð.  

Það verður að segjast eins og er að meiðsli Martin Kelly eru áfall fyrir Liverpool. Þessi efnilegi varnarmaður hefur verið fastamaður í liðinu eftir að Kenny Dalglish tók við og staðið sig frábærlega.