Kenny búinn að velja

Kenny Dalglish stjórnar Liverpool í fyrsta sinn í Musterinu eftir endurkomu sína í dag þegar Liverpool tekur á móti Everton. Hann er búinn að velja þá sem verja heiður Liverpool í þessum mikilvæga grannaslag og það verður að segjast að val hans kemur að einu mjög á óvart.

Kenny hefur ákvaðið að skella ungliðanum Jay Spearing í byrjunarliðið en varla hefur nokkur maður átt von á því. Jay lék sinn fyrsta leik núna í vikunni eftir að hafa verið nokkrar vikur frá vegna meiðsla þegar varalið Liverpool vann Sunderland 2:1 í æfingaleik. Hann er því ekki í leikæfingu auk þess að vera óreyndur.
 
Annar ungliði, Martin Kelly, heldur stöðu sinni sem hægri bakvörður og er það vel. Hann er búinn að standa sig mjög vel í þeirri stöðu í síðustu leikjum.

Þetta er liðið í heild sinni: Reina, Kelly, Johnson, Skrtel, Agger, Meireles, Leiva, Spearing, Rodriguez, Kuyt og Torres. Varamenn eru þeir Gulacsi, Kyrgiakos, Cole, Aurelio, Shelvey, Pacheco og Babel.

Þeir Milan Jovanovic og David Ngog eru ekki leikfærir en þeir voru í liðshópnum gen Blackpool á miðvikudaginn. Joe Cole er á hinn bóginn tilbúinn í slaginn. Daniel Pacheco lék mjög vel með varaliðinu í fyrrnefndum leik og fær sæti á bekknum.