Gerrard meiddur?

Steven Gerrard fór meiddur af velli þegar fimm mínútur voru eftir af leik Englendinga og Frakka á Wembley í kvöld.

Það var á 83. mínútu, í stöðunni 2-0 fyrir Frakka, sem Gerrard varð fyrir tæklingu Adil Rami. Gerrard ætlaði að harka af sér, en haltraði út af tveimur mínútum síðar. Peter Crouch kom inn á fyrir Gerrard og minnkaði muninn í 2-1, sem urðu lokatölur leiksins.

Ekki er enn ljóst hversu alvarleg meiðsl Gerrard eru, en fregnir herma að hann hafi meiðst á hásin. Það er því óljóst hvort fyrirliðinn verður leikfær gegn West Ham á laugardaginn.