Stevie mætti

Steven Gerrard mætti öllum að óvörum í ágóðaleik vinar síns Jamie Carragher þegar Liverpool mætti Everton á laugardaginn. Steven sagði ekki annað hafa verið hægt en að mæta.

,,Mér fannst mikilvægt að vera með í leiknum því við Jamie erum mjög nánir. Við erum ekki bara liðsfélagar heldur líka vinir. Mig langaði að vera viðstaddur og taka þátt í þessum viðburði með honum því við erum búnir að spila svo lengi saman."
 
,,Ég held að Jamie hafi notið þess sem fram fór. Allt gekk eins og best varð á kosið og hann á þetta sannarlega skilið. Það var vingjarnlegt hjá félaginu að sýna Jamie þakklæti fyrir þjónustu hans við það á þennan hátt."

Steven var á landsliðvakt með enska landsliðinu en fékk leyfi, hjá Fabio Capello landsliðsþjálfara, til að skreppa til Liverpool.

,,Ég bað um leyfi til að fljúga í leikinn og spila smá stund. Fabio fannst það hið besta mál en ég hugsa að leyfið hafi verið auðfengnara vegna þess að við unnum Búlgaríu 4:0!"

Á meðfylgjandi mynd þakkar Jamie Steven vini sínum fyrir að koma í ágóðaleikinn um leið og Steven fór af velli.