Kemur Peter aftur til Liverpool?

All nokkrir fjölmiðlar í Bretaveldi telja sig hafa heimildir fyrir því að forráðamenn Liverpool séu að reyna að fá Peter Crouch aftur! Roy Hodgson hefur sagst hafa áhuga á að fá einn sóknarmann til liðs við Liverpool áður en lokað verður fyrir félagskipti og risinn á að vera í sigtinu.
 
Reyndar er alls ekki ólíklegt að Peter geti hugsað sér að koma aftur til Liverpool en hann var vinsæll þar og gekk vel. Eftir að hann fór frá Liverpool hefur hann sagt frá því að sér þyki enn vænt um félagið.

Samkvæmt fréttum er mögulegt að Tottenham vilji selja Peter og hefur verið nefnt að mögulegt kaupverð gæti verið tíu milljónir sterlingspunda.
 
Rafael Benítez keypti Peter frá Southampton sumarið 2005 en seldi hann svo til Portsmouth þremur árum seinna. Peter, sem vann F.A. bikarinn og Skjöldinn 2006, lék 134 með Liverpool og skoraði 42 mörk.