Tap í Þýskalandi
Liverpool tapaði 1:0 fyrir Kaiserslautern í Þýskalandi. Þýska liðið var sterkari aðilinn og vann sanngjarnan sigur.
Leikurinn byrjaði fjörlega. Strax á fyrstu andartökunum komst David Ngog í færi eftir varnarmistök en hann skaut framhjá. Hinu megin slapp leikmaður heimamanna inn á vítateig en Diego sló skot hans yfir. Heimamenn, sem spila í efstu deild í Þýskalandi, náðu smá saman undirtökunum og þeir komust yfir á 32. mínútu. Vörn Liverpool svaf á verðinum og Búlgarinn Ilian Micanski skoraði með laglegri hælspyrnu af stuttu færi. Ekki var meira skorað fram að leikhléi.
Síðari hálfleikur var tíðindalaus að heita má og ekkert hættulegt færi skapaðist. Guðlaugur Victor Pálsson lék síðustu fjórtán mínúturnar. Þýska liðið var sterkara allan síðari hálfleikinn og í heild var sigur þess sanngjarn.
Liverpool: Cavalieri, Kelly (Ince 68. mín.), Ayala, Kyrgiakos (Irwin 76. mín.), Darby, Jovanovic (Degen 46. mín.), Spearing (Guðlaugur Victor 76. mín.), Leiva (Shelvey 74. mín.), Amoo, Ngog (Dalla Valle 74. mín.) og Eccleston (Robinson 82. mín.). Ónotaðir varamenn: Gulacsi og Hansen.
Roy Hodgson: Þetta var framúrskarandi frammistaða hjá þessum ungu strákum. Ég er vonsvikinn fyrir þeirra hönd vegna þess hve hve duglegir og baráttuglaðir þeir voru. Við gáfum þeim klaufalegt mark þegar og sváfum á verðinum.
Maður leiksins: Jay Spearing stóð sig vel á miðjunni. Hann er vel brúklegur á því svæði.
Hér eru myndir úr leiknum af Liverpoolfc.tv.
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur