Líklega leikið í kvöld

Það snjóaði nokkuð í Liverpool og nærsveitum í nótt en það er samt allt útlit á að leikur Liverpool og Reading geti samt farið fram í kvöld.

Völlurinn á Anfield er vel leikfær en það er sem fyrr spurning um hvort umhverfi leikvangsins og götur í kring um hann sé dæmt hættulaust fyrir áhorfendur. Unnið hefur verið að því hörðum höndum í morgun að moka snjó af bílastæðum við Anfield og nærliggjandi götum. Mat manna er að allt verði í lagi með þessi svæði þegar nær dregur kvöldi. 

Af tíðarfari á Bretlandi er það að frétta að von er á hláku þegar nær dregur helgi og þá ætti knattspyrnudagskráin að færast í eðilegt horf.

Meðfylgjandi mynd var tekin nú í vetrartíðinni af Melwood æfingasvæði Liverpool.