Leikurinn í kvöld í beinni á Players

Fyrsti leikur okkar manna í Meistaradeild Evrópu fer fram á Anfield í kvöld.  Það er ávallt mikil stemmning á Evrópukvöldum á Anfield og það er eitthvað sem Íslenskir Poolarar hafa oft náð að búa til á heimavelli Liverpoolklúbbsins á Íslandi, Players í Kópavogi.  Við vonumst til þess að þú leggir okkur lið við slíkt í kvöld og ef þú hefur einhverja möguleika á að mæta og ljá okkur rödd þína, þá sérðu ekki eftir því.  Nú er um að gera að mæta snemma og taka þátt í stemmningunni frá upphafi, taka þátt í leiknum okkar og skemmta sér í góðum hópi.