Nemeth og Simon lánaðir

Ungverjarnir Krisztian Nemeth og Andras Simon hafa verið lánaðir út tímabilið.  Nemeth fer til gríska liðsins AEK og Simon til spænska liðsins Cordoba CF.

Báðir komu þeir til liðsins árið 2007 frá MTK Hungaria í heimalandi sínu, hafa þeir staðið sig vel hjá félaginu og þá sérstaklega Nemeth, sem er talinn mjög efnilegur sóknarmaður.

Nemeth skoraði til dæmis tvö mörk gegn Singapúr á undirbúningstímabilinu í 5-0 sigri. Því má kannski segja að það sé undarlegt að senda hann í lán því ekki er til of mikið af sóknarmönnum hjá Liverpool nú um stundir.