Xabi of dýr fyrir Real

Talsmaður Real Madrid segir að Xabi Alonso sé of dýr fyrir félagið. Talsmaðurinn segir Liverpool vilja fá of háa upphæð fyrir hann en samkvæmt vefmiðlum hljóðar sú upphæð upp á 35 milljónir sterlingspunda. 

Jorge Valdano talsmaður Real Madrid hafði þetta að segja. "Við viljum endilega fá Xabi Alonso ef við höfum efni á honum en það virðist ekki vera svo. Það sem við viljum borga er miklu minna en það verð sem Liverpool hefur sett upp. Liverpool hefur sett okkur í erfiða aðstöðu."

Hingað til hefur ekki verið talið að Real hafi gert Liverpool formlegt tilboð í Xabi. Samkvæmt því sem Jorge segir þá virðast einhver samskipti hafa átt sér stað milli félaganna. Eitt er þó ljóst og það er að framtíð Xabi Alonso hjá Liverpool er enn óljós.