| Sf. Gutt

Mark spáir í spilin

Atlaga Liverpool að Englandsmeistaratitlinum heldur áfram á kjördegi. Það eru alltaf einhverjir kostir í kosningum en Liverpool á bara einn valkost á morgun. Hann er sá að sækja til sigurs. Vonin um meistaratilinn dvínaði heldur þegar Liverpool gerði 4:4 jafntefli við Arsenal. Manchester United treysti tökin á titlinum með því að vinna kvöldið eftir leikinn ótrúlega á Anfield. Liverpool verður þó að halda í vonina um að Manchester United eigi eftir að misstíga sig.

Leikmenn Liverpool hafa sannarlega verið á skotskónum í síðustu leikjum og sú öfugmæli að liðið sé varnarsinnað eru nú ekki höfð uppi við af sparkspekingum. Þessi kraftur sem hefur verið í liði Liverpool að undanförnu lofar góðu. Það er að minnsta kosti ekki leiðinlegt að horfa á Liverpool spila knattspyrnu þessa dagana. Svo hefur liðið ekki verið með fleiri stig eftir jafnmarga leiki frá því 1987/88. Þá varð liðið enskur meistari!

Fróðleiksmolar...

- Liverpool er í öðru sæti deildarinnar á eftir Manchester United.

- Liverpool gerði jafntefli gegn Arsenal eftir fimm deildarsigra í röð. 

- Liverpool hefur skorað flest mörk í efstu deild eða 63 talsins. Ekki sem verst hjá liði sem sumir telja varnarsinnað!

- Liverpool hefur skorað tólf mörk í síðustu þremur leikjum eða fjögur mörk í hverjum leik. 

- Liverpool hefur gert 4:4 jafntefli í síðustu tveimur leikjum sínum!

- Þeir Jose Reina, Jamie Carragher og Dirk Kuyt hafa leikið alla deildarleiki Liverpool á leiktíðinni. Þeir eru einu leikmenn Liverpool sem hafa gert það.

- Steven Gerrard er markahæsti leikmaður Liverpool á leiktíðinni með 21 mark.

- Þrettán af þeim mörkum hafa komið í deildinni.

- Fernando Torres hefur líka skorað þrettán deildarmörk.

- Hull City hefur skorað 16 mörk í 16 heimaleikjum sínum í deildinni á leiktíðinni.

- Tveir fyrrum leikmenn Liverpool eru hjá Hull City. Þetta eru Nick Barmby sem ákvað að enda feril sinn í heimaborg sinni og markvörðurinn Tony Warner. Tony lék reyndar aldrei með aðalliði Liverpool en hann ólst upp hjá félaginu. Hann hefur verið í láni hjá Leicester City að undanförnu.  

- Liverpool hefur aldrei áður leikið á KC leikvanginum í Hull en leikvangurinn var tekin í notkun fyrir fáum árum
 
- Liverpool og Hull City hafa leikið 13 leiki saman og hefur Rauði herinn aldrei tapað. 

Spá Mark Lawrenson

Hull City v Liverpool

Ég tók eftir því að Phil Brown, framkvæmdastjóri Hull, gagnrýndi mig í upphafi leiktíðar þegar ég hélt því fram að liðið hans myndi eiga í erfiðleikum með að halda sér í deildinni. Sjálfstraustið er nú lítið í liðinu og þeir hafa ekki menn í sínum röðum sem geta unnið leiki.

Manchester United hefur meistaratitilinn í höndum sér og vinna hann nema þeir hendi honum frá sér. Liverpool er að spila mjög vel og gengur vel að skora mörk. Síðustu tveir leikir liðsins hafa endað 4:4. Ástæðan fyrir þeim úrslitum var sú að liðið var í þeirri aðstöðu í leikjunum að þurfa að reyna að jafna metin. 

Úrskurður: Hull City v Liverpool 0:2.

TIL BAKA
Nýlegar fréttir
Fleiri fréttir
Fréttageymslan