David Ngog vonast eftir stóru hlutverki

Framherjinn efnilegi, David Ngog, hefur vakið mikla athygli meðal stuðningsmanna Liverpool fyrir ágætar frammistöður á tímabilinu en hann skoraði fyrsta deildarmark sitt fyrir félagið í leik gegn Sunderland í síðasta mánuði Þar áður hafði hann skorað eitt mark í Meistaradeildinni. Hann fór einnig á kostum á undirbúningstímabilinu og skoraði þá nokkur mörk.

Hann vonast nú eftir því að fá fleiri tækifæri og spila stórt hlutverk í að tryggja Liverpool sigur í Meistaradeildinni sem og í Úrvalsdeildinni.

"Ég verð að einbeita mér að loka kafla tímabilsins og reyna að taka þátt í stóru leikjunum sem framundan eru hjá Liverpool. Stjórinn mun þurfa á öllum mannskapnum að halda, við munum allir þurfa að bæta við frammiðstöður okkar." sagði Ngog.

Hann snéri aftur til æfinga á Melwood í gær eftir að hafa tekið þátt í sigri undir 21 árs landsliði Frakka sem sigruðu Englendinga 2-0 í leik sem fram fór á Englandi. David lék mjög vel í leiknum og vakti frammistaða hans mikla athygli.

"Það var mikill heiður að leika fyrir Frakkland og sigra Englendinga á þeirra heimavelli. Ég var í miklu stuði í leiknum en skoraði þó ekki, það voru vonbrigði fyrir mig persónulega en úrslitin sönnuðu fyrir heiminum að við erum sterkt lið vegna þess að Englendingarnir hafa verið mjög góðir."

David Ngog gekk til liðs við Liverpool í sumar frá franska liðinu Paris Saint German á um það bil eina og hálfa milljón punda. Það verða að teljast frábær kaup miðað við þá hæfileika sem þessi drengur býr yfir.

Hann hefur farið mikinn með unglingalandsliðum Frakklands og hefur hann skorað með öllum unglingalandsliðunum. Þess má einnig til gamans geta að hann er náskyldur varnarmanninum Jean-Alain Boumsong sem var áður hjá Newcastle United.