Stórleikur á Players á morgun

Það ættu líklega flestir að vita það að heimavöllur Liverpoolklúbbsins á Íslandi er sportbarinn Players í Kópavogi. Klúbburinn lét nýlega útbúa risastóran og glæsilegan fána þess merkis. Það fer ekkert á milli mála hvert menn eru komnir þegar þangað inn er komið. En fánar og skreytingar eru eitt, að mynda alvöru stemmningu er annað.

Á morgun er sannkallaður stórleikur þegar tekið verður á liði Manchester City á þeirra heimavelli. Búir þú á höfuðborgarsvæðinu, þá er þinnar nærveru óskað og einnig er krafist smá afnota af rödd þinni. Mættu á svæðið og leggðu þitt á vogarskálarnar. Það er um að gera að mæta tímanlega til að hita upp. Leikurinn hefst klukkan 14:00.