Torres líklega með gegn United

Þær fréttir bárust úr herbúðum Liverpool í dag að Fernando Torres væri að vinna kapphlaupið við tímann um að ná sér af meiðslum fyrir leikinn gegn Manchester United á laugardaginn.

Torres meiddist eins og kunnugt er gegn Aston Villa og strax var talað um að hann yrði frá í 2-3 vikur og því ólíklegt þá að hann næði sér í tæka tíð.  Hinsvegar hefur læknaliðið á Melwood þótt Torres sýna ótrúleg batamerki og virðist hann vera að ná sér að fullu.

Menn eru því vongóðir um að Torres geti spilað gegn United og það ættu að vera góðar fréttir fyrir Benítez því það er ljóst að Steven Gerrard verður ekki með í þessum stórleik.