Torres tæpur fyrir leikinn í kvöld

Fernando Torres getur líklega ekki spilað gegn West Ham í kvöld vegna veikinda.  Torres missti af æfingu í gær vegna þessa og ansi ólíklegt er að hann nái sér í tæka tíð fyrir kvöldið.

Torres hefur verið í góðu formi undanfarið, óhætt er að segja að andstæðingar Liverpool hræðist hann mjög og því er ekki úr vegi að segja að fjarvera hans sé mikil blóðtaka fyrir svona mikilvægan leik.

Líklegt er að Peter Crouch fái þá tækifæri í byrjunarliðinu en hann hefur mátt sætta sig við að verma bekkinn í undanförnum leikjum.