Leik við West Ham frestað um sólarhring

Leik Liverpool og West Ham sem fram á að fara á Upton Park hefur verið frestað um sólarhring og fer nú fram miðvikudaginn 30. janúar.

Leikurinn átti upphaflega að fara fram þann 29. en er færður aftur vegna hugsanlegrar þátttöku West Ham í 4. umferð FA Bikarsins.

Liðin hafa enn ekki leitt hesta sína saman á þessu tímabili en leik liðanna sem fram átti að fara á Anfield í ágúst var frestað vegna þáttöku Liverpool í 3. umferð undankeppni Meistaradeildarinnar.  Enn er ekki komin staðfesting á því hvenær sá leikur mun fara fram.