Robbie Fowler snýr aftur

Robbie Fowler snýr aftur heim í kvöld þegar Liverpool leikur við Cardiff í Deildarbikarnum. Þetta er keppni sem Robbie hefur alltaf gengið vel í.

- Robbie skoraði mark í sínum fyrsta leik fyrir Liverpool þegar liðið vann 3:1 útisigur á Fulham í Deildarbikarnum leiktíðina 1993/94. Hann skoraði svo fimm mörk í seinni leik liðanna þegar Liverpool vann 5:0!

- Robbie varð tvívegis Deildarbikarmeistari með Liverpool.

- Fyrst árið 1995 þegar Liverpool vann Bolton Wanderes 2:1 á Wembley og svo aftur árið 2001 þegar Liverpool lagði Birmingham City í vítaspyrnukeppni eftir 1:1 jafntefli í Cardiff.

- Robbie skoraði mark Liverpool í leiknum gegn Birmingham og skoraði svo í vítaspyrnukeppninni. Hann var valinn Maður leiksins. 

- Robbie skoraði 29 Deildarbikarmörk á ferli sínum með Liverpool. Aðeins Ian Rush hefur skorað fleiri Deildarbikarmörk fyrir Liverpool.

- Robbie er nú þegar búinn að skora tvö Deildarbikarmörk fyrir Cardiff City og þau bæði í sama leiknum!