Frábær byrjun hjá Danny
Danny Guthrie, sem nú er í láni hjá Bolton, hefði ekki getað byrjað betur með liðinu en hann gerði í gærkvöldi. Hann skoraði þá fyrir Bolton sem vann 2:1 útisigur á Fulham í Deildarbikarnum. Þetta var fyrsti leikur Danny með Bolton. Markið sem hann skoraði þótti glæsilegt en það var skorað með föstu langskoti. David Healy jafnaði fyrir Fulham. Grikkinn Stelios Giannakopoulus gerði Fulham grikk í framlengingunni þegar hann skoraði sigurmarkið.
Eins og allir muna þá stóð Danny sig mjög vel hjá Southampton þegar hann var í láni þar á síðustu leiktíð. Hann spilaði tólf leiki með Southampton. Danny, sem þykir einn efnilegasti leikmaður Liverpool, hefur spilað sjö leiki með uppeldisfélagi sínu.
Glöggir áhorfendur sáu Xabi Alonso uppi í stúku á Reebok leikvanginum á sunnudaginn þegar Bolton gerði 1:1 jafntefli við Tottenham. En hver var ástæðan fyrir því að Xabi fór að horfa á Bolton? Jú, Xabi var mættur til Bolton til að fylgjast með Mikel eldri bróður sínum sem er nú í láni hjá Bolton frá Real Sociedad. Mikel spilaði síðustu tuttugu mínúturnar gegn Tottenham. Hann spilaði líka gegn Fulham í gærkvöldi en ekki er vitað hvort litli bróðir hans var meðal áhorfenda. Hann gæti hafa verið það því hann er nú að ná sér af ristarbrotinu sem heldur honum frá keppni um þessar mundir.
-
| Sf. Gutt
Elska félagið og ætla að vera áfram! -
| Sf. Gutt
Sjálfum sér líkir á nýjan leik! -
| Sf. Gutt
Ekkert mál! -
| Sf. Gutt
Í höfn! -
| Sf. Gutt
Af spjöldum sögunnar! -
| Sf. Gutt
Gleðilegt sumar! -
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp!