Alonso tæpur fyrir morgundaginn

Óvíst er hvort Xabi Alonso geti leikið með gegn Porto á morgun.  Hann varð að draga sig í hlé á æfingu eftir aðeins nokkrar mínútur í dag vegna meiðsla á rist.

Xabi meiddist gegn Portsmouth og varð að fara af leikvelli af þeim sökum í þeim leik. Hann reyndi að æfa með liðinu í dag, en var engan veginn í ástandi til þess. Læknalið Liverpool metur nú meiðsli hans en eins og staðan er núna er ólíklegt að Alonso geti leikið á morgun.

Þetta þýðir væntanlega að Steven Gerrard og Javier Machserano munu leika á miðjunni á morgun, þar sem Momo Sissoko verður  ekki með.