Scott Carson kemur aftur heim

Scott Carson kemur aftur heim í sumar eftir lánsdvölina hjá Charlton Athletic. Rafael Benítez segir að hann verði hjá Liverpool á næstu leiktíð. "Ég talaði nýlega við Scott og sagði honum að hann yrði hluti af aðalliðshóp okkar á næstu leiktíð. Hann verður að berjast við Pepe Reina um sæti í byrjunarliðinu. Við vissum, þegar við höfðum betur í baráttu við Chelsea um að kaupa hann, að hann væri hæfileikaríkur markvörður. Hann öðlaðist góða reynslu á síðustu leiktíð og núna kemur hann til baka til okkar."

Þessi ummæli Rafael Benítez binda endi á vangaveltur um að Scott Carson myndi hugsanlega yfirgefa Liverpool núna í sumar. Scott stóð sig gríðarlega vel hjá Charlton og var valinn besti maður liðsins á síðustu leiktíð. Á leiktíðinni þar áður var hann um tíma í láni hjá Sheffield Wednesday og stóð vel fyrir sínu. Scott hefur verið af og til valinn í enska aðallandsliðið nú síðast í vor. Hann hefur leikið tvo B landsleiki og 29 leiki með undir 21. árs liðinu. Nú er að sjá hversu marga leiki hann leikur með Liverpool á næsti leiktíð.