Landsliðsfréttir

Enska undir 21. árs liðið hóf keppni í úrslitakeppni Evrópumóts landsliða í Hollandi í dag. Liðið hefði getað byrjað betur því það gerði markalaust jafntefli við Tékka. Enska liðið var nær sigri og þremur mínútum fyrir leikslok gafst gullið færi á að tryggja sigur. Englendingar fengu þá vítaspyrnu. Leroy Lita, leikmaður Reading, tók vítaspyrnuna en hann skaut framhjá. Scott Carson stóð í marki enska liðsins, átti góðan leik og réði vel fram úr öllum málum þar.