Scott Carson fær stutt sumarfrí

Scott Carson fær stutt sumarfrí. Hann er búinn að vera á ferð með aðallandsliðinu og var varamaður í leikjum liðsins gegn Brasilíu og Eistlandi.

Nú um helgina hefst úrslitakeppni Evrópumóts undir 21. árs landsliða í Hollandi. Stuart Pearce, þjálfari enska liðsins, valdi Scott sem einn af þremur markvörðum í liðinu. Líklegt er að Scott verði aðalmarkvörður liðsins. Hann er eini leikmaður Liverpool í liðinu.

Það verður nokkuð liðið á júní þegar keppninni lýkur og því ljóst að Scott fær ekki langt sumarfrí að þessu sinni.