Mikill missir

Rafael Benitez segir að fjarvera Luis Garcia sé mikill missir og setji strik í reikninginn varðandi áætlanir sínar.

Spánverjinn knái sleit fremra krossband í hægra hnénu í deildarbikarleiknum gegn Arsenal og verður ekki meira með á þessu á tímabili.

,,Einn af þeim hlutum sem við vorum að reyna að koma í veg fyrir á þriðjudaginn var að missa leikmenn í meiðsli.  Sérstaklega mikilvæga leikmenn eins og Luis því hann er leikmaður sem getur breytt leikjum.  Hann skorar mjög góð mörk í Evrópuleikjum og þetta er mikill missir fyrir okkur."

Varðandi meiðsli Mark Gonzalez hafði Benitez þetta að segja:  ,,Við munum vera án Mark í þessari viku en ég vonast til þess að hann verði tiltækur í næstu viku."