Afsakið!

Afsakið! Jú, Rafael Benítez bað okkur stuðningsmenn Liverpool afsökunar eftir martröðina gegn Arsenal. "Þetta var slæmt kvöld fyrir okkur og það eina sem við getum gert er að biðja stuðningsmenn okkar afsökunar."

Framkvæmdastjóri Liverpool gerði auðvitað rétt í því að biðjast afsökunar. Það var nú það minnsta sem hann gat gert. En hvað átti hann annað að gera? Líklega ættu leikmenn Liverpool líka að gera það. Að minnsta kosti flestir þeirra.

Samt var það svo einkennilegt að miðað við færin í leiknum þá hefði Liverpool allt eins getað unnið leikinn! Markatalan stendur eftir um aldur og ævi.