Luis Garcia er úr leik!

Luis Garcia leikur ekki meira með Liverpool á tímabilinu. Hann sleit fremra krossband í hægra hnénu í deildarbikarleiknum í gær gegn Arsenal og verður frá vegna meiðslanna í allavega hálft ár.

Mark Gonzalez slapp betur og verður frá í þrjár vikur eftir að hafa meiðst á sköflungnum í sama leik en Garcia kom inná sem varamaður fyrir hann á 11. mínútu.

Þetta er auðvitað mikið áfall fyrir Liverpool og sér í lagi þegar Meistaradeildarleikirnir gegn Barcelona eru framundan enda Garcia oft leikið einna best í Meistaradeildinni og hefði því verið mikilvægur leikmaður fyrir Liverpool í báðum viðureignunum gegn sínum fyrrverandi félögum.