Orð skulu standa

Það vakti mikla undrun þegar í ljós kom að Jerzy Dudek var í byrjunarliðinu gegn Arsenal en ekki Pepe Reina eins og jafnan á tímabilinu. Rafael Benítez hefur útskýrt þessa ákvörðun með því að hann hafi verið að standa við loforð sem hann gaf Pólverjanum í upphafi tímabilsins.

"Þegar tímabilið var að hefjast sagði ég við Jerzy að Pepe væri valkostur númer eitt í markinu en ég lofaði honum því að hann myndi spila í deildarbikarnum og FA-bikarnum. Þegar maður gefur loforð svíkur maður það ekki. Mér fannst hann leika ágætlega gegn Arsenal og hann hafði ekki mikið að gera ef mörkin eru undanskilin."

Dudek var í leikbanni gegn Reading í deildarbikarnum en lék svo leikinn gegn Birmingham. Ef marka má þessi orð verður Dudek einnig í marki Liverpool gegn Arsenal í deildarbikarnum á þriðjudag.