Leikdagur ákveðinn

Búið er að ákveða leikdag á Deildarbikarrimmu Liverpool og Arsenal. Leikurinn, sem er í átta liða úrslitum keppninnar, fer fram á Anfield Road að kveldi þriðjudagsins 19. desember. Leikurinn hefst klukkan átta. Líkt og í fyrri umferðum keppninnar verður leikið til þrautar og gripið til framlengingar og vítaspyrnukeppni ef með þarf.

Leikmenn Liverpool fá þarna tækifæri til að ná hefndum á Skyttunum eftir tapið fyrir þeim á sunnudaginn. Eins og staða Liverpool er nú í deildinni þá er ljóst að Deildarbikarinn skiptir miklu. Sigur í keppninni lengir ekki bara afrekaskrána heldur gefur hann líka Evrópusæti af sér. Sigurvegarinn fær sæti í Evrópukeppni félagsliða.