Sailif Diao farinn til Stoke

Salif Diao hefur verið lánaður til Stoke City í þrjá mánuði. Senegalinn hefur ekki spilað leik fyrir Liverpool í þó nokkurn tíma.

Tony Pulis framkvæmdastjóri Stoke er spenntur að fá Salif Diao til félagsins: "Við höfum fylgst með Salif í þó nokkurn tíma og hann hefur fengið mjög góða umsögn. Hann lék 40 leiki á fyrsta tímabili sínu hjá Liverpool og er ennþá bara 29 ára og þráir að spila fótbolta."

Salif var á láni hjá Portsmouth allt síðasta tímabil en lék ekki mikið vegn aþess að hann átti við meiðsli að stríða á meðan á dvölinni stóð. Hann neitaði svo að fara á lánssamningi til Recreativo de Huelva ásamt Florent Sinama-Pongolle í haust.

Salif Diao hafði þetta um málið að segja: "Ég þarf að spila almennilega leiki reglulega og Stoke mun veita mér það tækifæri. Næst eftsta deildin í Englandi er erfið, en ég þarf að koma mér í almennilegt form aftur."