Taktískur sigur Benítez

Rafa Benítez vann taktískan sigur á liði Martins Jols um helgina. Svo telur David Pleat, fyrrverandi framkvæmdastjóri Tottenham, sem greindi leikinn á hinni opinberu heimasíðu Liverpool.

"Danny Murphy og Didier Zokora réðu við Mohamed Sissoko og Xabi Alonso á miðjunni. Benitez brást við því með að auka hraðann í síðari hálfleik. Spánverjinn gerði Zokora og Murphy erfitt fyrir með því að setja Steven Gerrard inná miðjuna og Liverpool bar sendingamenn Tottenham ofurliði. Teemu Tainio var þröngvað yfir á minna umráðasvæði og Steve Finnan fékk pláss til að æða upp hægri kantinn. 

Finnan spilaði mjög framarlega og Benoît Assou-Ekotto sem er enn að venjast hraðanum í Úrvalsdeildinni, komst lítið fram á við. Það olli því að Zokora gat ekki komist inn í sendingar leikmanna Liverpool.

Hraði Mark Gonzalez á vinstri kantinum batt Pascal Chimbonda við vörnina og Murphy þurfti að fara oftar aftar á völlinn og kantmennirnir Jermaine Jenas og Tainio einnig þannig að Robbie Keane og Jermain Defoe voru einangraðir frammi.

Edgar Davids kom inná fyrir Tainio og Spurs var beittara á vinstri kantinum. Hann var eini miðjumaður Tottenham sem leitaði aftur fyrir varnarmenn Liverpool. Snerting hans á boltanum var óaðfinnanleg og leikmenn Spurs munu segja að afbrennsla Jenas skipti sköpum í leiknum. Ég efa það.

Sissoko og Alonso voru sterkir í síðari hálfleik og nærvera Gerrard gerði það að verkum að þetta var hættulegt tríó."