Fernando Morientes ósáttur við hörkuna

Fernando Morientes er óstöðvandi um þessar mundir með Valencia og hefur skorað fimm mörk í þremur leikjum. Nando var alls ekki sáttur við ensku knattspyrnuna og líður betur á heimaslóðum.

Spánverjinn skoraði aðeins 12 mörk í 61 leik með Liverpool en hefur nú skorað í öllum þremur leikjum sínum með Valencia, tvö mörk í deildinni og þrennu í Meistaradeildinni: "Ég vildi snúa aftur í bolta sem ég þekki út og inn og hentar mér betur. Ég var ekki hrifinn af hörkunni í Englandi og að dómararnir veittu þér litla vernd og horfðu framhjá fleiri brotum. Framherji fékk litla vernd frá varnarmönnum og það gerði mér erfitt fyrir."