Er Agger að ýta Hyypia út?

Daniel Agger, hinn eitilharði danski varnarmaður, átti mjög góðan leik gegn PSV í gær og hrósaði Rafael Benítez honum í hástert eftir leikinn.

"Daniel átti góðan leik. Hann var á undan Sami í röðinni í þessum leik og kannski verður hann það aftur í framtíðinni. Liðið í heild lagði mjög hart að sér. Momo, Zenden, Pennant og Aurelio studdu allir við varnarmennina. Það var hugmyndin að´halda hreinu og sækja hratt fram." Benítez sagðist jafnframt ánægður með að ná stigi í Hollandi þar sem liðið er í góðri stöðu ef það vinnur sína heimaleiki.