Salif Diao til reynslu hjá Charlton

Senegalinn Salif Diao er farinn til Charlton Athletic til reynslu og kemur til með að spila einn æfingaleik með þeim á þriðjudagskvöldið.

Salif Diao hefur tekið þátt í báðum æfingaleikjum Liverpool til þessa en hann fékk ekki úthlutað númeri fyrir komandi tímabil.  Salif hefur verið lánsmaður undanfarin tvö tímabil, fyrst hjá Birmingham og svo Portsmouth en bæði tímabilin var hann mikið meiddur og gat lítið spilað.

Ian Cotton, fjölmiðlafulltrúi Liverpool sagði í dag:  ,,Salif hefur fengið leyfi til þess að spila æfingaleik með Charlton gegn Hibernian á þriðjudagskvöldið."