Nando seldur til Valencia

Það hefur verið staðfest að Fernando Morientes hefur verið seldur frá Liverpool til Valencia.  Kaupverðið er ekki gefið upp.

Fernando Morientes tókst ekki að festa sig í sessi hjá Liverpool eftir að hann var keyptur frá Real Madrid í janúar 2005.  Hann náði aðeins að skora tólf  mörk í 61 leik fyrir félagið. Fernando vann tvo titla með Liverpool. Hann var í liði Liverpool sem vann Stórbikarinn í ágúst á liðnu sumri og svo kom hann inn sem varamaður þegar Liverpool vann F.A. bikarinn á dögunum.

Hann var ekki valinn í spænska landsliðshópinn fyrir HM í sumar og ein aðalástæðan fyrir því var að hann náði ekki að slá í gegn hjá Liverpool.

Við óskum Nando alls hins besta hjá nýju félagi.