Dudek settur út úr pólska landsliðinu

Jerzy Dudek verður ekki í pólska landsliðshópnum sem keppir á HM í Þýskalandi í sumar. Fá tækifæri með Liverpool í vetur höfðu þessar afleiðingar og verða þetta að teljast kaldhæðnisleg örlög eftir hetjudáðir hans í Istanbul fyrir ári. Þetta kemur samt á óvart í ljósi þess að Dudek var valinn í 16 manna hópinn í æfingaleik gegn Litháen fyrr í þessum mánuði.

"Dudek er mjög góður markvörður en hann hefur ekki spilað mikið í vetur og þeir sem hafa spilað reglulega með sínum félögum hafa grætt á því," sagði Pavel Janas landsliðsþjálfari Pólverja.

Það var Lukasz Fabianski, markvörður Legiu Varsjá, sem hreppi þriðja markvarðarsætið í hópnum, en hin tvö sætin skipa Artur Boruc hjá Celtic og Tomasz Kuszczak hjá West Brom.