Varnarmennirnir ættu að halda sig fjarri Reina!

Rafa hefur ekki enn fagnað sigri gegn Birmingham síðan hann tók við Liverpool. Varnarmenn Liverpool virðast skeinuhættari en framherjar Birmingham í viðureignum liðanna.

Rafa hefur tapað tvisvar og gert tvö jafntefli við Birmingham síðan hann tók við liði Liverpool. Í síðustu tveimur viðureignum liðanna hefur Liverpool skorað tvö sjálfsmörk og voru Stephen Warnock og Xabi Alonso þar að verki.

Gefum Rafa orðið: "Ég hef ekki enn borið sigurorð af þeim sem framkvæmdastjóri Liverpool en ég vonast til að breyta því á morgun. Við stjórnuðum báðum leikjunum gegn Birmingham í Úrvalsdeildinni á þessu tímabili en skoruðum sjálfsmark í báðum leikjunum. Kannski verð ég að segja leikmönnunum að standa ekki nálægt Reina!"

Leikir Liverpool og Birmingham í gegnum tíðina.