Ekki hægt að áfrýja brottrekstri Alonso

Steve Bennett sá ekki af sér og mun því rauða spjald Xabi Alonso standa hvað sem tautar og raular. Rafa botnar hvorki upp né niður í þessu máli.

Liverpool getur ekki áfrýjað dómnum því að þetta var seinna gula spjaldið en ekki beint rautt. Steve Bennett hefði þurft að endurskoða ákvörðun sína og ógilda seinna gula spjaldið en hann hefur ekki gert það þannig að Alonso verður ekki með gegn Fulham.

Benitez sagði eftirfarandi: "Við ræddum við yfirmann dómaranna og hann sagði að dómarinn hefði þurft að breyta ákvörðun sinni [sem er nú of seint] og hann sagðist ekki ætla að gera það. Hvað er hægt að gera? Þið ættuð kannski að spyrja yfirmanna dómara að því. Að breyta ákvörðunum út frá myndbandsuppstökum í miðjum leik er ekki í anda leiksins en í þessu tilviki er ekki verið að breyta úrslitum leiksins heldur að leiðrétta mistök."