| Sf. Gutt

Hverjum ber að þakka?

Stuðningsmenn Liverpool vonast til þess að Robbie Fowler opni markareikning sinn fyrir Liverpool á miðvikudagskvöldið þegar Liverpool þarf að leggja Benfica að velli til að geta haldið vörn Evrópubikarsins áfram. Í raun munaði alveg ótrúlega litlu að Robbie gæti ekki leikið með Liverpool í Evrópukeppninni. Svo skemmtilega vill til að Robbie getur þakkað Mark Schwartzer markverði Middlesborugh að hann getur leikið með Liverpool á miðvikudagskvöldið.

Í lokaumferð Úrvalsdeildarinnar í vor kom Middlesborough í heimsókn til Manchester til að leika við City. Sigur hefi fært Manchester City Evrópusæti á kostnað Middlesborough. Þegar komið var fram á lokamínútu leiksins var staðan 1:1. Þá fengu heimamenn vítapspyrnu. Robbie tók spyrnuna en Mark varði. Manchester fékk því ekki Evrópusæti. Hefði svo farið gæti Robbie hafa leikið með City og þannig hafa orðið ólöglegur í Evrópukeppni með Liverpool. Vegir Guðs eru sem fyrr óræðir!

Robbie sagðist aðspurður ekki hafa hugsað út í þessa tilviljun. Hann varð fyrir miklum vonbrigðum þegar hann misnotaði vítaspyrnuna en eftir á að hyggja þá hefði þetta kannski ekki verið svo slæmt!

TIL BAKA
Nýlegar fréttir
Fleiri fréttir
Fréttageymslan