Sami Hyypia til í slaginn gegn Benfica

Sami Hyypia þurfti að fara útaf í hálfleik gegn Charlton í gær og óttast var að hann myndi missa af leiknum gegn Benfica á miðvikudaginn. Hann var sendur í röntgenmyndatöku í morgun og þá kom í ljós að meiðslin eru ekki eins alvarleg og reiknað var með. Ian Cotton, fjölmiðlafulltrúi Liverpool hafði þetta að segja: "Það kom ekkert alvarlegt í ljós í röntgenmyndatökunni og Sami mun æfa með liðinu á þriðjudag."