| HI

Alan Smith ánægður með stuðningsmenn Liverpool

Alex Black, umboðsmaður Alan Smith, segir leikmanninn ánægðan með hve margir stuðningsmenn Liverpool sýndu samúð þegar hann var borinn útaf. Smith fótbrotnaði og fór úr ökklalið þegar hann henti sér fyrir aukaspyrnu John Arne riise með þessum skelfilegu afleiðingum og óttast er að hann verði frá keppni í allt að eitt ár.

"Hann var með smá óráði þegar hann fór útaf en hann gat þó heyrt að ekki aðeins stuðningsmenn Man. Utd., heldur einnig stuðningsmenn Liverpool, gáfu honum gott klapp," sagði hann.

Rafael Benítez óskaði Alan Smith góðs bata eftir leikinn, en tekið var eftir því að sjúkraþjálfarar Liverpool veittu aðstoð við ummönnun Smith á vellinum. "Það var gott að heyra okkar stuðningsmenn klappa þegar hann var borinn útaf því að þeir skildu að meiðslin voru alvarleg. Okkur þykir öllu leitt að hann hafi lent í þessum meiðslum. Maður vill aldrei sjá eigin leikmann meiddan og það sama gildir um andstæðinginn. Það eina sem við getum gert er að óska honum góðs gengis og góðs bata."

TIL BAKA
Nýlegar fréttir
Fleiri fréttir
Fréttageymslan