Bolo ekki meira með

Það hlaut að koma að því.  Meiðslalisti Liverpool hefur verið alveg ótrúlega fámennur undanfarið, annað eins hefur varla sést í manna minnum.  Það breyttist þó í dag þegar það var staðfest að Bolo Zenden verður líklega ekki meira með liðinu á þessu tímabili.  Meiðsli hans eru mun alvarlegri en haldið var í fyrstu og þarf hann að fljúga út til Bandaríkjanna til að undirgangast aðgerð á hné.  Það er hinn þekkti læknir, Dr. Richard Steadman í Colorado sem mun sjá um aðgerðina.  Talsmaður Liverpool tilkynnti þetta í dag:

"Því miður þá er ólíklegt að Bolo geti spilað meira á þessu tímabili"

Þetta eru afar vondar fréttir fyrir Liverpool, því Bolo var byrjaður að stimpla sig vel inn í liðið eftir frekar hæga byrjun.