Abel dæmdur í átján mánaða bann

Abel Xavier hefur verið dæmdur í átján mánaða bann fyrir að hafa notað ólögleg lyf. Knattspyrnusamband Evrópu tilkynnti þetta nú í vikunni. Portúgalinn heldur þó enn fram sakleysi sínu í málinu. Hann segir eðlilegar skýringar á því að merki um ólögleg lyf fundust við lyfjapróf sem gert var eftir Evrópuleik Middlesborough í lok september. Haft er eftir honum að merki um ólögleg lyf séu tilkominn vegna þess að hann hafi borðað fæðubótarefni.

Þrátt fyrir þessar skýringar Abel er talið ólíklegt banninu verði hnekkt. Standi það verður erfitt fyrir Portúgalann að halda ferli sínum áfram. Ekkert er þó ómögulegt og hver veit nema Abel Xavier sé ekki búinn að syngja sitt síðasta sem atvinnuknattspyrnumaður.

Bannið markar ákveðinn tímamót því Abel er fyrstur leikmanna í ensku Úrvalsdeildinni til að gerast sekur um notkun á lyfjum sem eiga að auka þrótt og þrek. Hingað til hafa leikmenn úr fyrrnefndri deild aðeins verið dæmdir í keppnisbann fyrir notkun á eiturlyfjum.