Af hverju var Steven Gerrard á bekknum?

Athygli vakti að Steven Gerrard var ekki í byrjunarliðinu gegn Real Betis í gær. En að sögn Rafael Benítez var ástæðan einföld.

„Við reyndum að vernda Steven og það voru nokkrir fleiri leikmenn sem svipað var ástatt með. Mér fannst við þurfa óþreytta fætur í erfiðan leik. Sumir voru þreyttir, þar á meðal Steven, og við urðum að hvíla leikmenn fyrir þennan leik.“

Gerrard var ekki eini fastamaðurinn sem hvíldi í gær, því Steve Finnan, Stephen Warnock, John Arne Riise og Djibril Cissé voru einnig á bekknum.