Sigur í æfingaleik

Liverpool vann seinni æfingaleikinn í Asíuferðinni. Leikurinn fór fram í Japan og mótherjinn var Yokohama. Liverpool lenti undir en sneri tapstöðu í sigur.

Ekkert mark var skorað í fyrri hálfleik. Asahi Uenaka kom gestgjöfunum yfir á 55. mínútu. Sjö mínútum seinna jafnaði Florian Wirtz. Markið var síðasta snerting hans í leiknum áður en honum var skipt af velli.

Tveir ungliðar tryggðu svo sigurinn. Trey Nyoni skoraði á 68. mínútu og þremur mínútum fyrir leikslok innsiglaði Rio Ngumoha sigurinn. Þeir Trey og Rio þóttu standa sig mjög vel. 

Liverpool: Mamardashvili; Bradley (Frimpong 63′), Konate (Tsimikas 63′), Van Dijk (Endo 60′), Kerkez (Robertson 63′); Gravenberch (Jones 46′), Szoboszlai (Mac Allister 63′), Wirtz (Nyoni 63′); Salah (Elliott 63′), Gakpo (Ngumoha 63′) og Ekitike (Núnez 60′)  Ónotaðir varamenn: Woodman, Pecsi, Morton og Stephenson.

Hugo Ekitike lék sinn fyrsta leik með Liverpool. Hann spilaði fyrri hálfleikinn. Frakkinn þótti sprækur.

Alisson Becker spilaði ekki með. Hann fékk leyfi til að yfirgefa liðshópinn til að fara til síns heima og sinna persónulegum málum. 

Nú verður haldið heim til Liverpool. Á frídegi verslunarmanna spilar Liverpool æfingaleik við Athletic Club frá Bilbao á Anfield Road. Reyndar leika liðin tvívegis með sitthvorri liðsuppstillingunni. Fyrri leikurinn er klukkan fjögur og sá seinni klukkan sjö. Um er að ræða íslenskan tíma.